Antis pamawayrikuyka, kawsayta, pachata kay allpapachapi kawsanatapash yachashkatami ashkata charin, tawka yachaykunamanta kallarishpa shinallatak rikuykunamanta kallarishpa paktanapakmi kay yuyaykuna yachayka rurarirka.

Intipak achikka 70 km tuputami shuk sayllapi kallpan, shuk watapika, may achkata kallpashpa paypak achikka 8 chinikupimi chayamun, kay illapakunaka wayrawanmi waktarin shinallatak wayrapachapika achikman, kunukman shuktikyan, shinami pachamamapi tukuy kawsayta yanapan.

Kayshina tinkirishka chayashpaka, pachamamatami kunukyachin, shinallatak pakta kunukwan achikwanpash ukun pachamanmi chayan, shinami Kuri rumikuna, kuriyashka rumikuna, yurakunata, runa ayllukunatapash kawsachun yanapan.

Ñawpa pachapi kawsak ayllukuna intitaka kaypachamanta rikunapak wasichishpami ashtawan riksirkakuna, ashtawankarin kayshina riksishkawanmi katikillata allichirkakuna, kaywanka pakta pakta raymikunata ruranapak, ima pacha tarpunapak, murukuna tantachinapak, imalla raymikuna paktanapakpash yacharkakuna.

Kay pachakunaka ayllukuna paykunapak llankay kawsaymantaka wasi ukupi, llamkana wasipipash wichkarishpa kawsan, ashtawankarin yuyak runakunaka vitamina D ashayashkamanta unkuypimi urmankuna, chay illakpika mukunanay, tullukuna amukyay unkuyman chayankuna.

Kay killkallankayta paktanapakka Antis yachaykunawan riksina, yuyaykunata tantachina, killkata allichina, yupaykunata katiyachinapashmi mutsurin.

Hampina paktarikunata taripaypika 80% patsakmanta ayllukunami allitatak alliyarka shinallatak 20% patsamanta ayllukunapash kipallata alliyarkakuna.

Puchukaypika, tukuy kawsayta charinkkunami tayta intiwan paktarina mutsurin kayshinallami pakta pakta allí kawsayta charishun.

CGC