Antis Pamawayrikuyka llakta ayllukuna wiñaymanta pachamamawan pakta kawsayta wiñachishkamanta riksishpa wawan wawan sakinapak allichishkata rikuymi. Suyullaktapi tantarishpa kawsak ayllukunashinami mamapachapi kawsaytaka shuktak ñawiwan rikunkuna; shinallatak paykunapura kawsaypash shuktak llakta ayllukunamanta chikanyashkami riksirin.
Antis Pamawayrikuyka kay Antis urkupi wiñaymanta kawsak ayllukuna charishkata riksishkpa yuyaypaktarishkami, kay llaktakunaka “Abya Yala llaktapak kullasuyumanmi sakirin, mana chiri urkullachu kan, ashtawanpash urku chaki yunka llaktamanta, sachallaktakamapashmi chayan”, ninmi (Grimaldo 2015:2). Kay suyu llaktapika wiwakuna, yurakuna, wayrapachapash achkami, shinallatak runallaktakunapash tawkakunami kawsan, kay llaktakunaka kikinmanta pakta allitami mamapachawan kuyarishpa kawsankuna.
Antis Pamawayrikuy shimika Sumak Kawsay shimiwanmi tinkirin, kay hatun yuyayka Ecuador llaktata, allpapacha llaktakunatapash allpamamapi alli kawsanapak tiksimanmi chayachin. Shinami Ecuador llaktapak mushuk mamakamachiy rikuchin, kuski killka 2008 wata tukuy llaktayukkuna arinishka kamu (García 2012:1).
Sumak kawsay shimimanta rimayka llaktayukkunapurapi waktarishka yuyaykunatami charin, kay llakikunaka ayllupura pakta kawsaytami wakllichin, kay llakikunaka ayllukuna shuktak llaktapak kawsayman kimirikpi kayshuk ayllukunapak kawsay llakichin, shinallatak llakta ayllukunapak rikushkata, llaktayukkuna kasiklla kushiyashpa kawsayta, pachamama sumaychanatapash ashayachin.
Runa llaktakunapika kikin ruraykuna, yachaykuna tiyashkatami sinchiyachina mutsurin, runallaktakunapak wiñaymanta yachashkakunami mamallaktapi tawkapura kawsashkata riksichin, chayshina riksirinapakka kayshuk ayllupak kawsaytaka riksina, yuyashkatapashmi sumaychanami kan. Runa ayllupura pakta kawsayta charishpallami runallaktakuna kawsaypurayka sinchiyanka.
Kuna pachakunapika charirayashpa wiñariywanmi sumak kawsayman chayashun ninkunami, kayman paktanapakka charinata, aknupunatami mirachina kan ninkuna, shinapash runa ayllukunapak rikuypika sumak kawsayka tukuy ayllukunapak pakta pakta kawsayta mashkay, tukuykuna pakta kankapak pachamamata shumaychanami kan.
Killkakatishka
- Achig, D. (2015). Interculturalidad y Cosmovisión Andina. Rev. Med. HJCA, 7(1), 88. Recuperado de: http://revistamedicahjca.med.ec/ojs/index.php/RevHJCA/article/viewFile/22/23,
- Albó, X. (2004). Interculturalidad y salud. En G. Fernández (ed.). Salud e Interculturalidad en América Latina, perspectivas antropológicas. Quito: Abya Yala.
- Albó, X. (2009). Planificando el vivir bien. SERVINDI. Recuperado de: http://www.servindi.org/actualidad/opinion/19159,
- Almaguer, J. (2009). Interculturalidad en salud, experiencias y aportes para los fortalecimientos de los servicios de salud. México: Dirección General de Proveeduría, Imprenta Universitaria.
- Álvarez, C. (2006). Cosmovisión de las nacionalidades shuwar y kichwa. Módulo dictado a los maestrantes en Estudios Superiores, con mención en la Interculturalidad y Gestión en la Universidad de Cuenca.
- Arnoletto, E. (2007). El Impacto de la Tecnología en la Transformación del Mundo. Recuperado de: http://www.academia.edu/1235979/El_Impacto_de_la_Tecnolog%C3%ADa_en_la_Transformaci%C3%B3n_del_Mundo